البيع و سنينه .. والتسويق الدوائي

 البيع و سنينه ..

شوف يا صديقي . لو أنت خريج صيدلة أو علوم أو بيطري أو أي كلية علمية أو طبية أو أنت مهتم انك تشتغل في مهنة الدعاية الطبية و عايز تشتغل في شركات أدوية . يبقى لازم وضروري تهتم وتقرأ المقال دا للآخر وتمشي معايا واحدة واحدة . 

شوف .. 

أصعب شغلانة يشتغلها الإنسان انه يكون بياع . من الأخر كدا بيتعامل مع كل طباع البشر . من الأخر كدا كل المهارات لازم تكون فيك  وتتوكل على الله وتشتغل بياع . طيب لو مش فيك المهارات دي  تقدر تكتسبها وبسهولة كمان 

شوف يا سيدي ..

أصعب شغلانة البيع بتقابلها أسهل شغلانة الشراء . يعني شوف يا سيدي أنا بياع أصعب حاجة بالنسبة لي إني  رايح أقدم  خدمة لواحد أسهل حاجة بالنسبة له انه يشتري .

أسهل شغلانة ليه . لان مفيش مجهود .  رايح يشتري حيتشال على كفوف الراحة والبياع لازم يشيله على كفوف الراحة . 

شوف يا سيدي ... 

مهارات و كورسات البيع مالية الدنيا الغالي والرخيص . والكلام فيها كثير ومحروق و متقال كثير . طيب إيه المهم  ؟

المهم انك تشتغل على العاطفة عند العميل  . و علشان تشتغل على العاطفة لازم تعرف عميلك الأول  ودا حنشوفه بعدين .

مهارات وكورسات البيع متبخلش على نفسك بيهم . كل مدير تشتغل معاه شايفه ماهر في حاجة خليه يعلمها لك  وتعلمها لغيرك . كل شركة حتروحها اهتم اكتر حاجة بالتدريب فيها اهتم بنفسك ومهاراتك في موضوع البيع والتسويق .

أهم حاجة تعملها تخلي مديرك الشاطر يعلمها لك في السوق  .  السوق هو أكير معلم يا صديقي . سيبك من القاعات والتكيفات  خليك في السوق . شوف مديرك بيتكلم أذاي وأتعلم تتكلم ذيه .  شوف مين بيعرف يعمل إيه وأتعلمه منه . اتعلم من زميلك ومن مدير زميلك  اتعلم من الصيدلي إلي في الصيدلية  . من الدكتور .  من الممرضة . اتعلم اتعلم .. 

اتعلم من بياع الخضار  . من البياع الي في القطر . اركب القطر السبنسة  شوف البياعين بيبيعوا أذاي . شوف إعلانات واسمع إعلانات من الراديو وشوف إعلانات صفحات التواصل الاجتماعي . كلم بيتوع خدمة العملاء واستمع إليهم . بعد متاخد الكورس دور بقى تطبقه على ارض الواقع خليك في السوق . 

طيب عملت كل دا ومفيش بيع . تعمل إيه ؟

شوف يا صديقي في حاجة اسمها قانون الجهد المهدر . يعني إيه قانون الجهد المهدر دا يا حسين . يعني علشان تصيد 20 زيارة ناجحة لازم تحاول تعمل 100 .  ومن إل 100 دول حتوصل بس لل 20 يعني إيه طيب يعني في 80 زيارة مهدرة يبقى لازم تزور دكاترة كنير علشان توصل لهدفك . 

طيب مديري مش صابر عليا اجمع زيارات كنير عايزة وقت اعمل إيه ؟

عليك وعلى البيع الجمعي  . يعني إيه . شارك في مؤتمرات  . ندوات اعمل جروب ميت ينج . كلم الناس  في تجمعات .

. طيب الحجات دي بتكلف ومديري مش عايز يدفع . .

يعني يا صديقي ولا عايز يدفع ولا عايز يصرف . 

 لا سيبك منه  وشفلك مدير ثاني وشركة أفضل . . لا حيبيع ولا حتبيع . شوف  يا صديقي مديرك بين خيارين  .يا يصبر يا يكلف من الأخر كدا .

أنت وبتبيع خد بالك 

إحنا يا صديقي بنحب نسمع أسامينا من غيرنا .  لما تكلم الدكتور قوله يا دكتور فلان باسمه حيسمعك وينصت إليك 

كلمه على التوفير والادخار كلنا بنهتم بالمنتج الأكثر توفير وأكثر وفرة في السوق . 

خليه يشوفك ويحبك ويحب دخلتك عليه وجيتك ليه . ابتسم في وشه . 

وربنا يوفقك ..