مندوب دعاية طبية

 

مندوب دعاية طبية  . وداخل السوق جديد وفارد عضلاتك وفاكرها كورسات 

حاخد كورسات

عايز اخد كورسات واظبط شهادات وابقي فل وأقدم في الشركات

يا راجل دور على خبرات

شوف ي سيدي عايز تدفع فلوس في كورسات وشهادات وحركات

طيب عندي ليك اقتراح ومن الآخر 

اسمع بقى أنت حتدفع كام في الكورس ؟ إلي بتفكر تاخده

اهو يعني في حدود 5000 جنيه. وممكن أقسطهم كمان

كمان ممكن مش كاش

يا سيدي .. يا سيدي..

طيب إيه رأيك تعمل مشروع أفضل . اهو تزود بيه دخلك وتاخد خبرات

طيب لو خسرت

مهو لو خسرتهم أنت كدا كدا حتدفعهم  يعني عادي.

مين قال ؟؟

أنا مش حخسرهم أنا حاخد بيهم شهادة

يا صديقي من الآخر شهادات و كورسات من غير خبرات يبقى كلام مالوش لازمة . سيبك منه .

خسران خسران

هو السوق اكبر واهم معلم و أعظم جامعة  . السوق وبس

شوف يا صديقي ..

أنت بفلوس الكورسات دي تعمل ايه .. تعمل مشروع  حتاخد بيه خبرات أفضل من الكورسات دي والشهادات إياها  . وبعد كدا شوف ايه أنت محتاج وخد فيه كورسات براحتك وشهادات

شد حيلك ..

أتوكل على الله ..

قول يا رب ..

خليك من رواد الأعمال ..

إن الله لا يضيع اجر من أحسن عملا ..

طيب تسألني وفين المشروع ؟

يعني يا صديقي إلي دلك على الكورسات  مش حيعرفك طريق المشروعات

الانترنت مليان . واللي يسال ميتوهش

خليك من رواد الأعمال وربك كبير يا صديقي